موضوع: الجبن وسنينه" من أعمال :الشاعره إيمان بكرى الجمعة 01 مايو 2009, 11:33 pm
العقل لما اتسجن جوه فى زنازينه فرد قلوعه الخوف وفرض قوانينه ولا كل مين خاف سلم من نصل سكينه ده الظلم لو يوم حكم عللى مهاودينه الحلم يبقى سراب وتوه عناوينه والحق يصبح أمل ف عيون محبينه والفرد يبقى صنم مكتوب على جبينه يبلع سكوته مرار يشرب دموع عينه ده لكل فاجر ظلم أتباع مطاوعينه حايس مع متعوس قدم قرابينه من نبض حلم انفجر جوه ف شراينه وده طبع فينا اتولد م اللى احنا شايفينه نبكى على اللى انكتب واحنا اللى كاتبينه تايهين فى دنيا البدع والمولى ناسينه عينى عليك يا جدع فين الخلاص فينه داير يقول للبيع والكل بايعينه وينادى جاى ياهووه ولا حد حيعينه وقالوا زمان ف المثل واظن فاكرينه العجل لو يوم وقع تكتر سكاكينه يخرب زمان الخوف والجبن وسنينه