سلام عليكم
الحب فى كل مكان واحد
اسمه حب .... صح ..........؟؟
لا غلط .... انا كنت بحسب كده بردو
بس لقيت ان القصة تختلف تماما وفى بلد وحدة كمان
اكتشفت ان الحب لا يختلف باختلاف البلدان ولكن يختلف باختلاف الطبقات والتربية
والنهاردة مثلا انا هتكلم عن قصتين حب
مازن مع رودى وصابر مع زينب
ونشوف الفرق بين الحب هنا
والحب هنا
مازن/ رودى ... ازيك يا قلبى
رودى / الله .. ماتعرفش كلمة قلبى دى بتعمل فيا ايه
مازن / بس دى مش كلمة يا رودى ... ده احساس
رودى / ماهو اللى مجننى انه احساس ... مش عارفة بحس معاك انى مع تامر حسنى
مازن / هههههه انا احسن من تامر حسنى ... على الاقل فزت بقلبك
رودى / طبعا يا روح قلبى احسن من تامر حسنى ومن عمرو دياب كمان
مازن / لالا يا رودى ... دى وسعت منك اوى دى .... مش للدرجة يعنى هههه
رودى / هههههههه فى الحقيقة اه ... هى وسعت اوى كمان
مازن / رودى ... تعرفى بجد انى حياتى من غيرك بجد بجد بقت صعبة اوى
رودى / وانا يا مازن بجد بحس وانا معاك انى ملكت الدنيا كلها فى ايدى
مازن / بس انا خايف من اهلنا مش يرضوا يخلونا نرتبط
رودى / قصدك عشان مشكلة باباك مع بابى
مازن / اكيد
رودى / لالا ... انا هخلى مامى تتكلم مع دادى وتفهمه اننا مالناش علاقة بخلافاتهم
مازن / ياريت يا رودى
رودى / ياريت يا مازن
اما سى صابر وخلتى زينب بقى
فوضعهم مختلف
صابر / ايه اللى اخرك ياما
زينب / مش عقبال ما استنيت ابويا ينزل
صابر / هو نزل على فين
زينب / راح المراقبة بتاعته
صابر / هعهعهع .. ابوكى ده مقضيها وعايش
زينب / ما تحترم نفس امك يا صابر ... انت بتتمألس على ابويا ولا ايه
صابر / خلاص يا موززة بقى ... عنروح فين النهاردة
زينب / نفسى اخش الجونينة يا صابر
صابر / بس اللى معايا مايكملش
زينب / انا معايا فلوس هتكمل
صابر / طب والسجاير
زينب / خللى اللى معاك يقضوك انت انا مش هشرب
صابر وهو حاطط ايده على كتفها / هعهعهعهعهع .... كل مرة بتقولى كده وبتقرطسينى ياروح امك
زينب / يابن الشمامة انت هتعمل دكر عليا ... مانت كل عيال الحتة بياخدو منك السجاير غصب عنك وانت واقف مابتعرفش ترد عليهم
صابر / انا يابت ... انا بتثبت فى الشارع ... انتى فاكرنى ابوكى يابنت النصاب
زينب / خلاص يا صابر ... اقفل الحكاية بقى .. مش بوليكة هى
زينب تانى وهى بتضحك وضبها باين / ماتيجى نروح سيما
صابر وهو مبتسم وشنبه مدلدل / تعالى نروح السيما ... اصلك وحشانى يا بت
زينب / ههههه ... بس اوعى يا روح خالتك تستعبط زى المرة اللى فاتت
صابر / قال يعنى البت ماكنش عاجبها
صابر وزينب مع بعض / هعهعهعهعهعهعهعهعهعهعهعهع
موضوع: انواع الحب مسخره 
الخميس 24 ديسمبر 2009, 11:29 am
