| | همس الروح (قصه رومانسيه مووووووووووت) |  |
|
+4د.محمد البشرى لكبريائى حَ ـكَايَه كبرياء انثى pяïηcëss 8 مشترك |
|
| كاتب الموضوع | رسالة |
|---|
pяïηcëss
مشرف المنتدي الأدبي
ســآعـتي :
التسجيل : 11/05/2012
المساهمات : 3571
عدد النقاط : 5456
المزاج : 
المهنة : 
الهوايه : 
الدولة : 
الأوسمة : 
التميز : 
أوسمة المسابقات : 
 |  موضوع: همس الروح (قصه رومانسيه مووووووووووت)  الأربعاء 30 مايو 2012, 11:49 pm | |
|  يا جماعه انا قرات قصه جميله جدا
حبيت اشارككم بيها
اذا لقيت تفاعل باذن الله هنزل كل يوم حلقتين تلاته كدة
ونبتدى باذن الله مع اول حلقه
بقلــــم \ نور القمـــــر
الحلقه الاولي
زي كل يوم خرج يصبح عليها من بلكونه اوضته اللي قصاد شباك اوضتها
رنا : صباح الخير يا حبيبي
رامي: صباح الفل علي عيون اجمل رنا في الوجود..وحشتيني اوي
رنا: و انت وحشتني اوي اوي
رامي: يلا ربع ساعه و الاقيكي واقفه تحت في مكانا عشان اوصلك علي جامعتك
رنا: لا يا حبيبي مينفعش النهارده .. احمد هيوصلني معاه
احمد اخو رنا الوحيد مهندس في شركه مقاولات كبيره في اسكندريه
رامي: نعم احمد .. و ايه اللي هينزله بدري كده ؟
رنا: هيعدي يجيب معاش بابا و يوصلني في طريقه و بعد كده يطلع علي الشغل
رامي: يعني ايه مش هعرف اقابلك النهارده؟
رنا: معلش بقي ماانت معايا اهه
رامي: لا انا هجيلك بعد ما تخلصي محاضراتك و هطلع عين البيه اخوكي ده و اسيبله كل شغلي و اخلع
رنا: هههههههه احسن برده يستاهل و انا هستناك انا هخلص الساعه 2
رامي: 2 الا ربع هتلاقيني وافق علي باب كليتك
رامي برده مهندس و صاحب احمد الانتيم و بيشتغل معاه في نفس الشركه و نفس المكتب
رنا في اخر سنه كليه الصيدله
في الشغل
رامي باستعباط : ايه ده تتحسد و الله جاي بدري النهارده ... معدتش عليا ليه؟؟
احمد: اصلي وصلت رنا الجامعه و بعدين رحت اجيب معاش بابا.. النهارده 10 في الشهر و ماما مبقتش تقدر تروح تجيبه .. و بعدين يا اخويا زعلان اوي عشان معدتش عليك ال يعني اسم الله بلاقيك كل يوم مستنيني
رامي: و انا اعملك ايه انت اللي بتصحي متاخر و انا بحب اجي بدري
احمد: ماشي يا عم الملتزم
رامي: انا همشي بدري النهارده و عايزك تطلع جدع معايا كده و تكمل الشغل بتاعي عشان اعرف ازوغ
احمد: تزوغ ده انا لسه بقول عليك ملتزم
رامي: مره يااخي من نفسي ماانت كل يوم تسيبلي شغلك كله و تمشي
احمد: ماشي يا سيدي بس قولي هتزوغ علي فين؟
رامي: ها... مشوار كده لازم اعمله قبل الساعه 2
احمد: اممممممم طيب
احمد كان حاسس ان في حاجه بين رنا و رامي لكن مكنش يعرف ان في بينهم مقابلات و كلام كمان لانه بيثق اوي في اخته و في صديق عمره كان بيسكت علي بعض النظرات اللي بيشوفها دايما في عنيهم لما يشوفوا بعض في اي مكان يجمعهم هما التلاته بالصدفه
في الجامعه رنا جايه من بعيد معاها اتنين من صحابها لمحت رامي استاذنت من صحابها و قربت منه
رامي: وحشتيني يا حياتي
رنا: و انت كمان وحشتني اوي
رامي: يلا بينا
رنا: علي فين؟
رامي: نروح نتغدي في اي مكان انا واقع من الجوع
رنا: لا يا رامي احسن حد يشوفنا تبقي مشكله
رامي: مين بس اللي هيشوفنا الشغل اللي سبته لاحمد مع شغله قدامه للساعه 5 لما يخلص منه
رنا: يعني محدش عارفني غير احمد؟
رامي: متحبيكهاش بقي لو حد شافنا هخدك و نروح علي الست والدتك و اقولها يا ست الكل انا عاوز اتجوز بنتك و حياتك عندي اتجوزك في اسبوع واحد
رنا: بحبك
رامي: يعني موافقه طب يلا بينا
شدها من ايدها و خدها في عربيته علي مطعم علي البحر
رنا: انت بتوحشني اوي يا رامي مع انك قدامي كل يوم و ممكن اشوفك في اي وقت بس دايما واحشني نفسي تبقي معايا علي طول
رامي: ماانتي اللي منشفه دماغك كان زمانا متجوزين من سنتين
رنا: يا حبيبي مش عايزه اتجوز و انا بدرس عشان منشغلش عنك يا روح قلبي بالمذاكره ووجع القلب اللي انا فيه ده
رامي: بعد الشر علي قلبي من الوجع .. بس تعالي هنا قوليلي معني كلامك ده انك اخيرا اقتنعتي انك متشغليش بعد الجواز مش كده؟
رنا: مين قال كده هشتغل طبعا بس تفرق الشغل هيبقي الصبح و هترجع من شغل تلاقيني موجوده في البيت مستنياك لكن لو لسه بدرس هتلاقيني ماسكه الكتاب ليل و نهار ده غير المحاضرات كل يوم و السكاشن اللي ممكن تقعد ل 5 /6 و و و
رامي: بس بس عقدتيني خلاص هانت كلها شهرين و نخلص بس الجواز هيتم في خلال شهر واحد اها مفيش لا خطوبه و لا غيره
رنا: لا خطوبه ايه احنا بقالنا اكتر من عشر سنين في حكم المخطوبين علي الاقل بينا و بين نفسنا
رامي: ياااااااه فات علي حبنا عشر سنين انا مش مصدق نفسي عدوا كانهم عشر ساعات
رنا: العمر بيعدي بسرعه البرق و الايام الحلوه بتعدي هوي
رامي: لالالا متقوليش كده ايامنا كلها هتبقي سعاده و حب في حب باذن الله
رنا: يارب يا حبيبي انا مش عايزه من الدنيا دي غير انك تفضل معايا
رامي: و انا عمري ما هسيبك ابدا ابدا علي قلبك دنيا و اخره مش هفارقك و لا لحظه يا حياتي
رنا: ربنا مايحرمني منك ابدا
رامي: و لا يحرمني منك يا قلبي
في بيت رامي دخل علي والدته الست ماجدهبتعشق رامي و بتخاف عليه من الهوا الطاير امنيه حياتها تعيش و تشوفه عريس و تشيل ولاده زي ما شالت ولاد ندي اخته بس مش لاي عروسه لهند بنت اختها
رامي: ازيك يا مجود يا حبيبتي
والدته : انا الحمد لله يا حبيبي انت اخبارك ايه؟
رامي: انا تمام يا ست الكل
والدته: احضرلك الغدي؟
رامي: لالالالا انا شبعان اوي و مبسوط اوي اوي
والدته: ربنا يبسطك كمان و كمان ... بس قولي مش عاوز تاكل ليه؟
رامي: يا ست الكل بقولك شبعان اصلي اتغديت بره
والدته: اااه طيب يا حبيبي روح غير هدومك عشان عيزاك في موضوع مهم
رامي: موضوع ايه؟
والدته: بس روح غير هدومك و اغسل وشك و تعالي
رامي: حاضر يا ست الكل
* يارب استر و ميكنش الموضوع اللي في دماغي مش طالبه نكد معايا دلوقتي خالص
غير هدومه و رجعلها
رامي: ها يا ست الكل ايه بقي الموضوع اللي عايزه تكلميني فيه؟
*يا ساتر استر يارب
والدته: خالتك و بنت خالتك جايين عندنا النهارده
رامي:
* يادي النهار الكحلي
والدته: مبتردش ليه يا واد؟
رامي:هرد اقول ايه يعني يا ماما ينوروا
والدته: كنت فكراك هتفرح عشان هند جايه قلت هتقوم تبوسني
رامي: من عنيا يا ست الكل ابوسك اها افرح لا و ادي البوسه
قام باسها من خدها
والدته: انت عمرك ما هتتغير ابدا؟
رامي: و اتغير ليه بس ماانا حلو و زي القمر اهه و لا انتي عندك شك
والدته: اتكلم جد شويه مش معقوله كده ياابني كل ماافتح معاك الموضوع ده تقلبه هزار كده
رامي: عشان يا ست الكل مش هنفذ اللي انتي بتفكري فيه انتي عارفه كويس اني مبحبش هند و اني بحب رنا و مش هتجوز غيرها
والدته: يادي رنا هي سحرالك دي و لا عملالك عمل؟
رامي: اها يالهوي يا ماما سحرالي بس ده انا لما بشوفها بحس اني طاير فوق فوق بعيد في الجنه انا بحبها اوي يا ماما ارجوكي تقدري الحب ده و توافقي عليها و الله هتحبيها اوي
والدته: ياابني و هند مالها بس؟
رامي: يا ماما هند كويسه و كل حاجه بس انا بحب رنا مش شايف و لا هشوف حد غيرها و كلها شهرين و اخدك من ايدك يا ست الكل و نروح نتقدملها
والدته: مش هيحصل طول ماانا عايشه مش هيحصل
رامي: هيحصل يا قمرايه يا عسل انت ماجده بتحب رامي و مبترفضلوش طلب و اكيد تحب تشوفه فرحان و سعيد و مستقر في حياته يبقي هيحصل و لالا؟
والدته بعصبيه: اها يانا منك
دخل اوضه الصالون بعد ما سابته والدته و هي زعلانه و مسك التليفون و اتصل علي ندي
ندي: لسه فاكر تسال علي اختك
رامي: معلش يا دودي و الله مشغل لشوشتي برجع من الشغل همدان مبحسش بنفسي
ندي: ربنا معاك يا حبيبي اخبار ماما ايه و البت رنا عامله ايه وحشاني الندله؟
رامي: رنا كويسه الحمد لله بتسالني عليكي دايما و الله اما ماما بقي
ندي: ايه مالها ماما اوعي تكون تعبانه
رامي: لا كويسه الحمد لله بس خالتك و بنتها جايين النهارده
ندي: اها فهمت
رامي: ما تحاولي تليني دماغها يا ندي انا تعبت اوي و الله بحاول اتماسك اعصابي و اشوش علي الموضوع يمكن تنسي و مبتنساش ابدا ملناش سيره غيره
ندي: ماانت عارف ماما اللي في دماغها في دماغها بس ان شاء الله هتلين انت عارف قد ايه بتحبك و متقدرش تزعلك
رامي: ياااارب
ندي: ان شاء الله ... اقولك تعالالي النهارده الولاد عايزين يشوفك
رامي: و الله فكره هقولها اني وعدت خالد و عمر اني افسحهم النهارده و اخدهم افسحهم شويه
ندي: ماشي يا حبيبي و انا مستنياك
اقنع والدته بالحجه اللي اخترعها و هرب من المقابله بينه و بين هند و كل مره كان بيخترع بيها حجه عشان ميشفهاش و يهرب دايما من كلام والدته بمنتهي اللباقه و الحكمه
لحد لما عدي الشهرين
خلصت الامتحانات و اخيرا هيتقدم لحبيبته و هيتحقق حلم عمره بس قبل ما يحصل ده لازم والدته توافق عشان تروح معاه
هتوافق و لالا و ياتري هيقدر يقنعها و يحقق اللي في دماغه ده اللي هنعرفه الحلقه الجايه اللي هتكون بدايه لكل الاحداث اللي جايه
مستنى رايكم
واذا القصه معجبتكوش
قولوا وانا مش هكملها ا | |
|
 | |
كبرياء انثى
مشرف منتدي البيت بيتك
ســآعـتي :
التسجيل : 07/05/2012
المساهمات : 3469
عدد النقاط : 4170
المزاج : 
المهنة :
الهوايه : 
الدولة :
الأوسمة :
التميز :
| | موضوع: رد: همس الروح (قصه رومانسيه مووووووووووت) الخميس 31 مايو 2012, 12:46 am | |
| قصه والله جميله اوى وياريت تكملها | |
|
| | |
لكبريائى حَ ـكَايَه
مشرف منتدي الأسرة و الطفل
ســآعـتي :
التسجيل : 08/05/2012
المساهمات : 1836
عدد النقاط : 2275
المزاج : 
المهنة :
الهوايه :
الدولة :
الأوسمة :
التميز : 
| | موضوع: رد: همس الروح (قصه رومانسيه مووووووووووت) الخميس 31 مايو 2012, 3:33 am | |
| 10 سنين
دا ف زمنا اخرهم اسبوعين
هههههههههههههههه
بقولك يا مونى قولى لعم رامى يخف اللعب شوية
طول ما بيشوفها بحبك بحبك بحك
ههههههههههههههه
بس جميلة يلا كملى انا مستنياكى لـكى تـ ح ــياتــى | |
|
| | |
د.محمد البشرى
عضـــــو مـــــاسي 
ســآعـتي :
التسجيل : 18/03/2011
المساهمات : 2168
عدد النقاط : 2463
المزاج : 
المهنة : 
الهوايه : 
الدولة : 
الأوسمة :
التميز : 
| | موضوع: رد: همس الروح (قصه رومانسيه مووووووووووت) الخميس 31 مايو 2012, 9:57 pm | |
| انا متابع معاكى ...
مفتقدين الحاجات الرومانسيه دى فى حياتنا بصراحه هههههههه ...
منتظرين البقية حبيبى ...
ليلى المسلمه
............................. | |
|
| | |
pяïηcëss
مشرف المنتدي الأدبي
ســآعـتي :
التسجيل : 11/05/2012
المساهمات : 3571
عدد النقاط : 5456
المزاج :
المهنة :
الهوايه :
الدولة :
الأوسمة :
التميز :
أوسمة المسابقات :
| | موضوع: رد: همس الروح (قصه رومانسيه مووووووووووت) الجمعة 01 يونيو 2012, 12:01 am | |
| ماشى علشان خاطركم هكملها ميرسى على المرور | |
|
| | |
pяïηcëss
مشرف المنتدي الأدبي
ســآعـتي :
التسجيل : 11/05/2012
المساهمات : 3571
عدد النقاط : 5456
المزاج :
المهنة :
الهوايه :
الدولة :
الأوسمة :
التميز :
أوسمة المسابقات :
| | موضوع: رد: همس الروح (قصه رومانسيه مووووووووووت) الجمعة 01 يونيو 2012, 12:03 am | |
|
الحلقه التانيه
حاول رامي بكل الطرق يقنع والدته علي انها تروح معاه بيت رنا عشان يتقدم لخطوبتها و بعد طول محايله و زعل و خصام وافقت اخيرا علي طلبه من غير اقتناع او رضا لكن المهم انها وافقت و بالفعل راحت معاه
ام رنا و ام رامي كانوا اصحاب جامدين جدا لكن من يوم ما عرفت ام رامي بموضوع حب رامي لرنا و انقطعت كل الصلات ما بينهم من غير ما تبرر لام رنا سبب البعد و الخصام اكيد اختها و بنت اختها كانوا بالنسبه ليها اهم من مليون صداقه و جيره و عشره
حدد رامي ميعاد مع احمد صديق عمره و كان بعد الامتحانات ب 3 ايام
في المقابله كان معاه امه و اخته و مصطفي جوز اخته الوحيده
..
اتكلموا في كل التفاصيل و ام رامي قاعده زي اللي رايحه جنازه منطقتش كلمتين علي بعض
...
ام رنا: يعني ايه ياابني مش عاوز خطوبه ما تقولي حاجه يا ام رامي
ام رامي: جري ايه يا رامي في ايه ايه لازمته الاستعجال ده ياابني مش تدي لنفسك فرصه تانيه يمكن ...
قاطعتها بسرعه ندي
ندي: و ليه لا بس يا طنط احنا جيران من زمان و انا شايفه ان مدام كل حاجه جاهزه يبقي ملهاش لازمه الخطوبه دي .. دي بتبقي للناس اللي ميعرفوش بعض كويس او الناس اللي مش جاهزين انا شايفه ان خير البر عاجله
احمد: انا رايي من راي رنا ايه رايكوا نخلي الفرح الشهر الجاي؟
رامي: اهو هو ده الكلام الفاتحه بقي
اتقرت الفاتحه و انطلقت بعدها الزغاريط اللي ملت الشارع كمان يوم الفرح بعد ما فات شهر و كانه سنه علي رامي و رنا
في يوم الفرح
اخيرا اتجمع اجمل قلبين بيعشقوا بعض في مكان واحد
رامي: مبروك يا عروسه
رنا بخجل : الله يبارك فيك يا حبيبي
رامي: انتي مكسوفه مني و لا ايه امال لو مكانوش عشر سنين حب و غرام و هيام كنتي روحتي مع مامتك بقي
رنا: هههههههههه
رامي: ايوه كده انا مش عاوز من الدنيا دي غير اني اشوف البسمه دايما علي وشك و الفرحه في عنيكي اوعي تسيبي للحزن مكان في قلبك يا رنا و لا ثانيه واحده و انا اوعدك اني عمري ما هزعلك و لا هخليكي تعيشي معايا لحظه واحده و دمعه علي خدك
رنا: ربنا يخليك ليا يارب يا رامي انا من غيرك و لا حاجه
رامي: انتي بيا من غيري اعظم و اجمل بنت شافتها عيني
رنا: بحبك اوي
رامي: و انا بعشقك
تاني يوم واقفه رنا علي الشط في الغردقه بعد ما سافروا الصبح يقضوا شهر العسل
من وراها جي رامي
رامي: يلا يا قلبي انا خلاص دخلت الشنط علي الشاليه
رنا: تعالي نقعد هنا شويه
رامي: بس كده انتي تؤمريني يا حياتي
رنا: عارف من يوم ما قلبي دق لحبك و انا كل يوم و انا راجعه من المدرسه و بعدها و انا راجعه من الجامعه اروح لوحدي البحر و اقعد عالشط اتكلم معاه و احكيله
رامي: كنتي بتقوليله ايه؟
رنا: يااااااااه كل حاجه كانت بتحصل بينا كلامك و ضحكك و غناك
رامي: عشان كده اول ما جينا سحبتي نفسك و جيتي علي هنا؟
رنا: جيت اقوله اننا اخيرا بقينا مع بعض و حبنا كمل و انتهي زي مااحنا عايزين
رامي:..........
رنا: بتبصلي كده ليه؟
رامي: بتامل حبي في عنيكي... انا عمري ما قابلت عنين مرسوم فيها الحب بالشكل ده
رنا بابتسامه هاديه : حبك مرسوم في عيوني مكتوب في قلبي عايش جوه روحي بتنفسه في كل لحظه بعيشها و انت معايا او حتي بعيد عني
رامي: الله عليكي و علي كلامك العسل زيك يا عسل انا بحبك اوي اوي اوي اوووووووووي اشهد عليا يا بحر بحبــــــــــها
كان شهر جميل اوي عدي عليهم بسرعه اوي اوي
بعد عودتهم لاسكندريه رجع رامي شغله تاني يوم
رامي واقف قدام باب المكتب مش مبين غير راسه عاوز يعمل مفاجاه لاحمد
رامي: وحشتني ياابو حميد
احمد: روميو حبيب قلبي
قام و حضنه و باسه
احمد: وحشتونا اوي
رامي: و انتوا وحشتونا اكتر و الله
احمد: ..روني عامله ايه؟
رامي: تمااااااام اوي بتسلم عليك
احمد:الله يسلمها وحشتني اوي البت دي و ماما هتموت عليها
رامي: و انتوا كمان وحشتوها جدا
احمد: خلاص احنا معزومين علي العشا عندكوا النهارده
رامي: ايه ايه حيلك حيلك مش عايزين حد يجيلنا النهارده خالص
احمد: يا ساتر يارب جري ايه يا واد ده بدل ما تقولي تشررفوا و تنوروا و خلوها غدي و عشا كمان
رامي: لالا بلاش النهارده ..النهارده يوم خاص بيا انا و رنا و بس مش عاوزين عزول وليك عندي يوم كامل من فطار و غدي و عشا
احمد: اااااه و لو اني مش فاهم حاجه بس طيب
رامي: محدش بقي يجيب سيره لماما اني جيت انا هعملهالها مفاجاه بس مش النهارده
احمد: احسن برده لاني مكنتش هقولها حاجه اساسا لو كنت طلبت مني
رامي: ليه بقي؟
احمد: امك دي يا ساتر يارب دي عليها بوذ ياابني مفيش بعد كده مشفتهاش يوم الفرح كانت عامله ازاي اعوز بالله عنده حق ابوك يموت بالسكته القلبيه
رامي: اتلم يا واد دي امي برده هي بس ميتعرفش تفكها بتموت في الكابه
احمد: ربنا يخليهالها
رامي: هي مين؟
احمد: الكابه هههههههههه
رامي: هههههههههههه
*******************
في البيت رنا في المطبخ واقفه ملخومه علي الاخر بتتكلم في التليفون
رنا:ايوه يا ماما و بعدين اعمل ايه بعد ما سلقتها ... احط الطماطم .. و ايه تاني بصل و توم ...اه .... لا كده كتير اوي انا مش فاهمه حاجه ... خلاص يا ماما انا هتصرف و ربنا يستر بقي
و فاجأه سمعت صوت من وراها
و
نكمل الحلقه الجايه | |
|
| | |
pяïηcëss
مشرف المنتدي الأدبي
ســآعـتي :
التسجيل : 11/05/2012
المساهمات : 3571
عدد النقاط : 5456
المزاج :
المهنة :
الهوايه :
الدولة :
الأوسمة :
التميز :
أوسمة المسابقات :
| |
| | |
د.محمد البشرى
عضـــــو مـــــاسي
ســآعـتي :
التسجيل : 18/03/2011
المساهمات : 2168
عدد النقاط : 2463
المزاج :
المهنة :
الهوايه :
الدولة :
الأوسمة :
التميز :
| | موضوع: رد: همس الروح (قصه رومانسيه مووووووووووت) الجمعة 01 يونيو 2012, 6:47 pm | |
| ههههههههههههههههه رامى شكله هيترفع من امه ...
بصى بقى القصه حلوة اوى ..
واحلى ما فيها انه العيال دى اسكندرانيه وجدعان اوى ...
وانا بقى عايزة واحد اسكندرانى رومانسى كدا زى رامى دا مليش دعوه هههههههههههه ...
متابع معاكى مش تتاخرى علينا وهاتى بقية الحلقات ....
ليلى المسلمه
........................................ | |
|
| | |
pяïηcëss
مشرف المنتدي الأدبي
ســآعـتي :
التسجيل : 11/05/2012
المساهمات : 3571
عدد النقاط : 5456
المزاج :
المهنة :
الهوايه :
الدولة :
الأوسمة :
التميز :
أوسمة المسابقات :
| |
| | |
pяïηcëss
مشرف المنتدي الأدبي
ســآعـتي :
التسجيل : 11/05/2012
المساهمات : 3571
عدد النقاط : 5456
المزاج :
المهنة :
الهوايه :
الدولة :
الأوسمة :
التميز :
أوسمة المسابقات :
| |
| | |
د.محمد البشرى
عضـــــو مـــــاسي
ســآعـتي :
التسجيل : 18/03/2011
المساهمات : 2168
عدد النقاط : 2463
المزاج :
المهنة :
الهوايه :
الدولة :
الأوسمة :
التميز :
| | موضوع: رد: همس الروح (قصه رومانسيه مووووووووووت) السبت 02 يونيو 2012, 11:57 pm | |
| اااااااااااااااااااااااااااااااااه ياوجع قلبى انا ...
صعبه اوووووووووى قصة الحب دى تخلص بالشكل المؤلم دا ...
انا حسدتهم من المرة الى فاتت ولا ايه اهىء اهىء ...
فى انتظار الباقى وربنا يكون فى عون رامى بقى ...
مكملة معاكى ...
ليلى المسلمه
........................... | |
|
| | |
دموع حائرة
ســآعـتي :
التسجيل : 04/03/2011
المساهمات : 14462
عدد النقاط : 24857
المزاج :
المهنة : 
الهوايه : 
الدولة :
الأوسمة : 
التميز : 
أوسمة المسابقات : 
| |
| | |
pяïηcëss
مشرف المنتدي الأدبي
ســآعـتي :
التسجيل : 11/05/2012
المساهمات : 3571
عدد النقاط : 5456
المزاج :
المهنة :
الهوايه :
الدولة :
الأوسمة :
التميز :
أوسمة المسابقات :
| | موضوع: رد: همس الروح (قصه رومانسيه مووووووووووت) الأحد 03 يونيو 2012, 11:38 pm | |
| لميس / ليلى
اشكركم لجمال مروركم
ورقة كلماتكم
وجودكم في صفحتي اسعدني كثيرا
وردكم الأجمل كوسام لي
لا تحرمونا ردودكم الجميلة
وطلتكم البهية
ودي وعبيري من اكليل وردي | |
|
| | |
الأميرة سلمي★
ســآعـتي :
التسجيل : 28/07/2010
المساهمات : 10824
عدد النقاط : 19694
المزاج :
المهنة : 
الهوايه :
الدولة :
الأوسمة : 
التميز : 
أوسمة المسابقات : 
| | موضوع: رد: همس الروح (قصه رومانسيه مووووووووووت) الأربعاء 06 يونيو 2012, 9:55 pm | |
| يا الله ماتت ايه ده النهايه محزنه جدااااا
بجد اضايقت جداااااااا كملي انا متابعه معاكي
ثانكس يا قمر | |
|
| | |
pяïηcëss
مشرف المنتدي الأدبي
ســآعـتي :
التسجيل : 11/05/2012
المساهمات : 3571
عدد النقاط : 5456
المزاج :
المهنة :
الهوايه :
الدولة :
الأوسمة :
التميز :
أوسمة المسابقات :
| | موضوع: رد: همس الروح (قصه رومانسيه مووووووووووت) الخميس 07 يونيو 2012, 6:14 pm | |
| سلمى / ليلى
للاسف دى كانت اخر حلقة من قصة (همس الروح )
وشكرا ع المرور | |
|
| | |
Celina
ســآعـتي :
التسجيل : 21/12/2009
المساهمات : 12379
عدد النقاط : 18808
المزاج : 
المهنة :
الهوايه :
الدولة :
الأوسمة :
التميز : 
أوسمة المسابقات : 
| | موضوع: رد: همس الروح (قصه رومانسيه مووووووووووت) الجمعة 08 يونيو 2012, 12:29 am | |
| حبيبتي دي مش اخر حلقة
القصة تقريبا حاجة وتلاتين حلقة وجامدة اوي
لو عايزين تكملوها ممكن انزلهالكم
ودي~
| |
|
| | |
الأميرة سلمي★
ســآعـتي :
التسجيل : 28/07/2010
المساهمات : 10824
عدد النقاط : 19694
المزاج :
المهنة :
الهوايه :
الدولة :
الأوسمة :
التميز :
أوسمة المسابقات :
| | موضوع: رد: همس الروح (قصه رومانسيه مووووووووووت) الجمعة 08 يونيو 2012, 1:02 am | |
| ايوه كمليها شروق طبعاااااا انا اصلا استغربت انها خلصت بسرعه كده
والنهايه كمان حزينه اوووووووي كملي شروق في انتظارك | |
|
| | |
Celina
ســآعـتي :
التسجيل : 21/12/2009
المساهمات : 12379
عدد النقاط : 18808
المزاج :
المهنة :
الهوايه :
الدولة :
الأوسمة :
التميز :
أوسمة المسابقات :
| | موضوع: رد: همس الروح (قصه رومانسيه مووووووووووت) الجمعة 08 يونيو 2012, 1:10 am | |
| حاضر هي بصراحة جميلة اوي
واحدة الفتها اسمها نور القمر في منتدى تاني
عشان بس منسرقش الحقوووق
وهقول الاول لايمان ولو وافقت هنزلكو كل يوم حلقتين
ان شاء الله
ودي
| |
|
| | |
الأميرة سلمي★
ســآعـتي :
التسجيل : 28/07/2010
المساهمات : 10824
عدد النقاط : 19694
المزاج :
المهنة :
الهوايه :
الدولة :
الأوسمة :
التميز :
أوسمة المسابقات :
| |
| | |
Celina
ســآعـتي :
التسجيل : 21/12/2009
المساهمات : 12379
عدد النقاط : 18808
المزاج :
المهنة :
الهوايه :
الدولة :
الأوسمة :
التميز :
أوسمة المسابقات :
| | موضوع: رد: همس الروح (قصه رومانسيه مووووووووووت) الجمعة 08 يونيو 2012, 3:08 am | |
| الحلقه السادسه
صرخت الام صرخه الم و انفطار قلبها علي بنتها الوحيده
وسابت المكان و راحت علي الاوضه اللي اتنقلت ليها رنا بعد وفاتها
اما احمد فانهالت الدموع علي وشه وبعد لحظات راح
قعد علي اول كرسي قابله و فضل حاطط راسه بين كفوف ايده و منهار تماما
رامي
لحظات صمت مرت علي راميمنطقش
بكلمه واحده متحركش من مكانه...
و لا نص دمعه دمعت بيها عينه و بعد دقائق
زهول و بعد استيعابه للموقف اخيرا منطقش غير بــ
حبيبتي...لا....ررررررررر رنا
و وقع اغمي عليه
**************************************************
بعد مرور تقريبا ساعه الا ربع وصل المستشفي ام رامي و ندي
و جوزها مصطفي و مكنوش لسه عرفوا حاجه عن وفاه رنا
ندي جريت بسرعه علي احمد
ندي : طمني يااحمد رنا عملت ايه ؟
لسه احمد قاعد في مكانه غلي نفس وضعه و منهار
ندي : رد عليا يااحمد في ايه ؟
مصطفي : يااحمد رد علينا الله يخليك طمنا حصل ايه ؟
رفع احمد راسه بهدوء و الدموع ماليه عنيه و مغرقه وشه
ندي : يالهوي حصل ايه؟
احمد : رنا ..... رنا مـــ ماتت و هي بتولد
ندي : لا ... رنا ماتت
و انهارت في العياط
مصطفي : لا حول و لا قوه الا بالله
ام رامي : ماتت يا عيني دي لسه في عز شبابها
سكوت و صمت رهيب سيطر علي المكان و الدموع تنهال من كل عين معادا ام رامي التي بدات بالكلام مع ندي
ام رامي : متعرفيش العيل اللي جابته صاحي و لا مات معاها؟
ندي : معرفش يا ماما
ام رامي : طب هو بت و لا واد؟
ندي : يا ماما معرفش حاجه
ام رامي : طب قومي اسالي
ندي : اسال مين بس دلوقتي ؟
ام رامي : اتصرفي و اعرفيلي
ندي : يا ماما ..
ام رامي : فزي قومي اسالي
ندي : حاضر
فكرت ندي
تسال احمد و لكنها طبعا رجعت في كلامها بعد
ما شافته في الحاله اللي عليها
فراحت علي اقرب مكان للاستعلامات في المستشفي و رجعت لمامتها
ام رامي : ها سالتي و لا خيبتي زي عادتك ؟
ندي : بنت جابت بنت و هي في الحضانه دلوقتي عشان نزلت ناقصه اي اساله تانيه يا ماما
ام رامي : بنت ياعيني عليك ياابني الموكوسه مش عارفه تجيب حته واد
ندي : يا ماما حرام عليكي ده بدل ما تدعيلها بالرحمه تقولي كده احنا في بنت و لا ولد دلوقتي
ام رامي : الله يرحمها ياختي و عموما مش مهم كلها شهرين تلاته و اجوزه هند بنت اختي هي تجيبله الواد
ندي : كفايه بقي يا ماما حرام عليكي هو رامي في ايه و لا فـــ ........ رامـــــــي
سكتت ندي بعد ما حست اخيرا ان رامي مش باين جريت ناحيه احمد و سالته
ندي : رامي فين يااحمد ؟
احمد : رامي ... يا نهار اسود رامي ...
احمد كان مشتت من كل النواحي مش قادر يفكر في اي شئ حتي نسي ان رامي وقع و اخدوه علي العنايه المركزه
جريوا كلهم ناحيه العناية حاولوا يدخلوا جت الممرضه منعتهم
الممرضه : انا اسفه ممنوع حد يدخل العنايه المريض حالته وحشه
ام رامي : بتقولي ايه رامي ماله فيه ايه انا عايزه اطمن علي ابني
وسعي كده
الممرضه : يا حاجه اللي بتعمليه ده غلط و مش في صالح ابنك الدكتور مانع عنه الزياره نهائيا
احمد : طب طمنينا عليه لو سمحتي يا انسه
الممرضه : ادعوله
ندي : يعني ايه هو حالته وحشه اوي كده؟
الممرضه : انا لازم ادخل حالا الدكتور معاه جوه و اكيد محتاجلي بعد اذنكوا
دخلت الممرضه و بعد حوالي خمس دقايق خرج الدكتور
احمد : خير يا دكتور رامي ماله؟
الدكتور : هو كان مصاب بازمه قلبيه شديده جدا وواضح اوي انه كان رافض الحياه لان مكنش فيه اي استجابه للعلاج
ندي : كان.... كان و صرخت بصوت عالي رامي جراله ايه
الدكتور :للاسف احنا عملنا كل اللي نقدر عليه لكن البقاء لله
**************************************************
بعد مرور خمس سنوات في بيت ام احمد و رنا جرس الباب بيرن تقريبا الساعة اتنين الضهر
ام احمد : افتحي يا همس الباب مش قادره اقوم
همس : حاضر يا تيته ثواني بس بسرح للعروسه
ام احمد : يا حبيبتي بسرعه اللي عالباب هيمشي
همس : حاضر خلاص خلصت جريت همس ناحيه الباب و سحبت كرسي وقفت عليه و من وراه الباب همس : مين ؟ صوت يرد : افتحي يا هموس انا ............ نكمل الحلقه الجايه ملحوظه قلبوظه : ام رامي رفضت و بشده ان همس تعيش معاها ليه هنعرف الحلقات الجايه اتمني الحلقه تعجبكوا | |
|
| | |
Celina
ســآعـتي :
التسجيل : 21/12/2009
المساهمات : 12379
عدد النقاط : 18808
المزاج :
المهنة :
الهوايه :
الدولة :
الأوسمة :
التميز :
أوسمة المسابقات :
| | موضوع: رد: همس الروح (قصه رومانسيه مووووووووووت) الجمعة 08 يونيو 2012, 7:18 pm | |
| يلا مع انكم مش رديتو بس اانا
بقي هوفي بوعدي
وادي حلقة والتانية باليل يا حلوين
الحلقه السابعه
بعد مرور خمس سنوات في بيت ام احمد و رنا
يرن جرس الباب تقريبا الساعه الثانيه ظهرا
ام احمد : افتحي يا همس الباب مش قادره اقوم
همس : حاضر يا تيته ثواني بس بسرح للعروسه
ام احمد : يا حبيبتي بسرعه اللي عالباب هيمشي
همس : حاضر خلاص خلصت
جريت همس ناحيه الباب و سحبت كرسي وقفت عليه و من وراه الباب
همس : مين ؟
صوت يرد : افتحي يا هموس انا خالد
همس : هيييييه خالودي استني هفتحلك
فتحت همس الباب و هي لسه عالكرسي و نزلت من عليه شالته بعيد عن الباب
خالد دخل و في ايده شنطه هدايا
خالد : ازيك يا هموستي ؟
همس : الحمد لله انت ازيك؟
خالد : انا تمام الحمد لله طول ماانتي بخير
ام احمد :مين يا همس ؟
همس : ده خالد يا تيته
ام احمد : خالد ابن عمتك ؟
همس : ايوه هو
ام احمد : طب دخليه يا حبيبتي سيباه عالباب ليه
همس : ما هو دخل اهه.... تعالي معايا يا خالد ندخل اوضتي
و شدته من ايده بخفه الاطفال و دخلوا علي الاوضه
همس : ايه رايك في عروستي دي ؟
خالد فتح شنطه الهدايا اللي معاه و خرج منها عروسه جميله اوي
خالد : ايه رايك انتي في العروسه دي ؟
همس : الله دي حلوه خالص
و حضنتها و قعدت تلف بيها في الاوضه و خالد قاعد فرحان اوي و هو شايف همس فرحانه كده
خالد : ها هتسميها ايه ؟
همس : اسميها ؟!
خالد : ايوه مش كل البنوتات بيحبوا يسموا عروستهم باسم ينادوهم بيه؟
همس : ايوه صح صحبتي مسميه عروستها لمياء علي اسم مامتها انا بقي هسميها ... هسميها ... ايوه هسميها روني
خالد : روني؟؟!!!!
همس : ايوه خالو احمد قالي ان بابا كان بيدلع ماما يقولها يا روني صح ؟
خالد و عنيه بدات ترغرغ بالدموع : ايوه صح
همس لاحظت الدموع في عنيه: انت بتعيط ليه يا خالودي ؟
خالد * صعبانه
عليا اوي يا همس اتيتمتي بدري اوي نفسي اعملك اي حاجه افرحك بيها ..
وحشتني اوي يا خالو الله يرحمك انت و طنط رنا و يحميكي يا همس و يخليكي
ليا
همس سرحت مع العروسه و نسيت خالد فضلت تلعب بيها و تسرحلها شعرها و تكلمها
نزل خالد من عند همس بعد حوالي ساعه بيقضيها معاها كل مره يدبق فيها مبلغ كويس من مصروفه عشان يشتريلها هديه
من بعيد بيشاورله سيف ابن عمه
سيف : ايه ياله مش قلت ربع ساعه و تعلالي بقالي ساعه ملطوع في الشارع مستنيك
خالد : معلش الوقت خدني معاها
سيف : و الله طب يلا يا سي روميو عشان هنتاخر عالدرس
خالد : عارف لو سمعت منك كلمه روميو دي تاني اقله هتلاقي قلم نازل علي وشك
سيف : ههههههههه طيب يلا يا رومـ ...قصدي ياخالودي عشان منتاخرش
خالد : متقولش خالودي انا مبحبش اسمعها غير منها هي و بس
سيف : طب يا عم خلاص انت هتضربني
وبعد الدرس في طريقهم للبيت
خالد : فرحت
اوي بالعروسه عارف سمتها ايه ..روني ..
اصل خالوا كان بيدلع طنط رنا بروني
..
همس دي حلوه اوي يا سيف زي القمر بحسها ملاك اتولد و عاش بس عشاني
سيف : اللي جابلك يخليلك ياابن عمي
خالد : تصدق انت عيل زباله انا همشي لوحدي و مش حاكيلك حاجه تاني
سيف : استني يله خلاص انا اسف
خالد : اصلك زباله متعرفش يعني ايه حب شاطر بس تكلملي عشرين تلاتين بنت في التليفون و خلاص
سيف : هاهاهاي مش احسن مااقعد احب في عيله لسه بتلعب بروني
خالد : لا انا فعلا ماشي
سابه و مشي روح علي البيت
ندي : مجتش ليه يا حبيبي بعد المدرسه تتغدي قبل الدرس؟
خالد : اصلي كنت في مشوار
ندي : مشوار ايه ؟
خالد : ها اه ا ا كن كنت عند همس
ندي : يالهوي همس انت بتستهبل ؟
خالد : متخافيش اخدت بالي و مش شافتني
ندي : طب و ليه يا حبيبي بس تروح هناك ماانا بجيبها كل يوم جمعه تقعد معانا من اول اليوم
خالد : فيها ايه بس يا ماما هو انا كنت عند حد غريب دي بنت خالي و بعدين كنت جايبلها هديه و عاوز اديهالها
ندي :هديه ايه ؟
خالد : عادي يا ماما عروسه لعبه
ندي : هو انت بتدبق مصروفك عشان كده يا خالد
خالد و هو بيغير هدومه : ايوه
ندي : لا حول و
لا قوه الا بالله ماانا بجبيلها لعب كتير و كل حاجه بتعوزها
لزمته ايه
تضيع مصروفك كله عشان تجيب بيه عروسه هتكسرها في يومين
خالد : اولا مش
هتكسرها و لا حاجه لانها من القماش ثانيا انا بحب احس اني
عملتلها حاجه
تفرحها و لو لدقايق فرحتها عندي بالدنيا انا متاكد ان خالو
رامي لو كان
حاسس باللي هيحصل ده مكنش وصي حد علي همس غيري
ندي : يـــــاربي نفسي مره اغلطك و متبرريش كل حاجه كده انا تعبت من دماغك دي و الله ربنا يهديك ياابني
***************
خرجت من الاوضه و هي متعصبه عالاخر دخل عمر علي خالد و دخلت ندي اوضتها علي مصطفي
مصطفي : مالك متعصبه كده ليه ؟
ندي : ابنك هيشلني
مصطفي : عمر برده الواد ده مش هيعقل بقي زي اخوه
ندي : لا يا سيدي المره دي العاقل
مصطفي : خالد اشمعني ؟
ندي : كان عند همس يا سيدي
مصطفي : و فيها ايه ماانتي عرفاه كان بيحب خاله ازاي
ندي : انت هتجنني انت كمان انت ناسي موقف ماما من همس
مصطفي : ماانتي بتصرفي عليها كل مصاريفها و بتجبيها تقضي معانا يوم الجمعه كل اسبوع مخفتيش من الست والدتك يعني ؟
ندي : انا بعمل كل ده من وراها دي لو عرفت هتغضب عليا ليوم الدين
مصطفي : لما
تكوني بتعملي حاجه غلط ابقي استخبي و خبي عيالك لو عملوها
لكن لما تبقي
بتعملي خير وواجب و كمان مش في حد غريب دي بنت اخوكي
يتيمه الاب و الام
يبقي ترفعي راسك و تعمليه في النور قدام
كل الناس حتي الست والدتك مهما
كان رد فعلها فهماني يا ندي
ندي : فهماك يا مصطفي عندك حق بس امي
مصطفي : مفيش بس امال هتعملي ايه لما نجيبها تعيش معانا هنا
ندي : ايــــــــه ؟؟؟؟
******************
في اوضه خالد
عمر : ايه ياله امك كانت بتزعق ليه؟
خالد : اتكلم باحترام عشان ارد عليك
عمر : طب يا عم المحترم امك كانت بتزعق ليه ؟
خالد : عشان روحت لبنت خالك
عمر : البت همس و ايه اللي وداك هناك ؟
خالد : بت في عينك احترم نفسك و متقولش عليها بت
عمر : امال اقول البرنسيسه ...ايه اصله ده؟
خالد : اووووف اطلع بره عاوز اتخمد
عمر : طيب متزقش ماشي
خالد * ياتري هقدر انفذ اللي بحلم بيه معاكي يا همس و لا ماما و تيته هيقفوا عقبه في
تنفيذه ... لكن لا انا عمري ما هتخلي عن اي حلم من احلامي في المستقبل و
هنفذ كل اللي بتمناه و ربنا معايا انا واثق مش هيسبني ابدا....يــــــــارب
و نكمل الحلقه الجايه و عايزه رايكوا في البدايه دي لابطالنا الجداد | |
|
| | |
الأميرة سلمي★
ســآعـتي :
التسجيل : 28/07/2010
المساهمات : 10824
عدد النقاط : 19694
المزاج :
المهنة :
الهوايه :
الدولة :
الأوسمة :
التميز :
أوسمة المسابقات :
| |
| | |
لكبريائى حَ ـكَايَه
مشرف منتدي الأسرة و الطفل
ســآعـتي :
التسجيل : 08/05/2012
المساهمات : 1836
عدد النقاط : 2275
المزاج :
المهنة :
الهوايه :
الدولة :
الأوسمة :
التميز :
| | موضوع: رد: همس الروح (قصه رومانسيه مووووووووووت) الجمعة 08 يونيو 2012, 11:36 pm | |
| | |
|
| | |
Celina
ســآعـتي :
التسجيل : 21/12/2009
المساهمات : 12379
عدد النقاط : 18808
المزاج :
المهنة :
الهوايه :
الدولة :
الأوسمة :
التميز :
أوسمة المسابقات :
| |
| | |
الأميرة سلمي★
ســآعـتي :
التسجيل : 28/07/2010
المساهمات : 10824
عدد النقاط : 19694
المزاج :
المهنة :
الهوايه :
الدولة :
الأوسمة :
التميز :
أوسمة المسابقات :
| |
| | |
| | همس الروح (قصه رومانسيه مووووووووووت) | |
|
